गजल

लोकेश याक्थुङ्बा

निस्तब्ध एकान्तमा कराइ सक्याउ लुङा

आपुङिपनले तिमी आँफै हराइ सक्याउ लुङा

हिजो सम्म काङ्सोरे बनेर हिड्थ्यौ तिमी

खोइ? आज भोली त डराइ सक्याउ लुङा

जाड रक्सी तुङ्बाले लतारिन्दै हिड्छ्यौ रे

आफ्नो भाषा सस्क्रिती हराइ सक्याउ लुङा

तिम्रो पहिचानहरु यहा कोपिला नै थिए

खोइ?आज त्यही पनि झराइ सक्याउ लुङा

आफ्नो ईतिहासको पाना आँफै च्यात्न थाल्यौ

त्यसैले त, दुनियाँबाट हराइ सक्याउ लुङा ।

ताप्लेजुङ्

हाल्-मलेशिया