Jun 21, 2010

यस्तै छ साथी...


भानेन्द्रकुमार सम्बाहाङ्फे

यस्तै छ साथी, यहाँको हाल, बेहालै बेहाल् छ ।
क्यै भयो भने, भैहाल्छ बन्द, नेपाल जल्दैछ ।

बिहान निस्की, फर्कन घर, साह्रै नै गाह्रो छ
बँचेर हिँड्न, यहाँ त साथी, साँच्चै नै साह्रो छ
गएकी छोरी, पाठ्शाला पढ्न, फर्किन्छे फर्किन्न ?
बिग्रियो साथी, देशको हाल, भयको राज छ ।

मारिन्छन् मान्छे, सजिलै यहाँ, लुटिन्छन् सम्साँझै
बेपता पार्नु, मानिस यहाँ, भा'को छ पेशा झैं
सेवक् हौँ भन्ने, रक्षकहरु, मस्तिमा बाँच्दैछन्
त्यसैले साथी, नेपाली हामी, भा'छौं है टु'रा झैं ।

No comments: