यासेली योङ्हाङ
यक्माहिम् तेहिम्, लुङ्मा? पहिम् ।
वाबुन्दाक् से से युङ्वामा ए,
'पिरती सीता' लुङ्वामा ए ।
थक्मेप्पा वाभुन् केसात्तुन् ना,
कुधेसा नुरिक् कबाःत्तुन्ना ।
सेमिक्ला परि? कोम्माहा?आ,
मेन्छाम्गेन् याप्मि पोङ्माहा?आ ।
मुन्धुमले कुदिम् पाःन्हा? चा?रिक्
आत्तिलाम् थे ये बे लुङ्ङा ल?रिक् ।
सेन्दोरे पान्हा? केसाप्तु वै'छ,
कुधेसा नुरिक् केबाःत्तु वै'छ ।
आलुङमा? निङवा? केदोगुन्ने,
पनोदिङ् सेन्दो केजोगुन्ने ।
फक्ताङ्लुङ् सेसे नाङ् ए नाङ्लो,
केबान्हाः ताःक्तुङ् तोक्वा थाङ्ओ ।
साम्यो नु साक्थिम् लुङ्मा? सोम्लो,
मुन्धुम् नु हाबेक् कोप्मै पोङ्लो ।
सेक्मुरि अन्दङ् फेक्के साङ्ङा,
लुङ्ङामे याम्मो हेक्के साङ्ङा ।
उप्लुङगे याक्पे उक्पेल्ले ग,
इनोसा इङ्गा? चुक्पेल्ले ग ।
नाम्लाङगेन् मक्काङ् फात्रा पोःक्लो
निमा नु लेÞमा थेआङ होःप्लो ।
हुक्चोत् नु नाक्चा फोःक्सुङ्रक्लो,
मेल्लेसाङ् साप्मा कोत्तुङ्रक्लो ।
पोरोक्मि माङ्ले इक्सा चोगु,
तरङ्दिङ् ताङ्साङ् ताम्भुङ् युक्खु ।
थक्सा नु पुसा इक्सा लिक्खु,
नाभोःन्जि नाहा? यङ्घङ् याक्तु ।
तरङ्दिङ् ताङ्साङ् इक्सा खाम्मो,
खेप्सुङ्बारक्लो आम्बि याम्मो ।
नासिङ्गेन् थक्ला मेन्ने गआ,
मेन्छाम्गेन् याप्मि मेन्ने गआ ।
इक्सारेन् खेम्सिङ् मेलाःरेन् मु,
खाम्बेक्मेन् ला?सिङ् मेला?रेन् मु ।
थाङ्गेत्लाम् सेरि लराङ् खाम्मो,
पोराक्मि माङ्ङनि् इःत्छिङ् याम्मो ।
तागेरा माङ्ङो पेलि फाक्ते,
आत्छुम् नि चोःक्मै मुइङ् नाःक्ते ।
तागेरा माङ्ले इःत्छिङ् तेसु,
पोरोक्मि माङ्ले मुइ खोसु ।
मुइदिङ् कुसिक् सामा फुक्खु,
याप्मि थक् चोःक्नु सक्मा याक्तु ।
पेलि पान् साःत्तु याप्मिन् पारे,
इक्सादिङ् खाम्बेक् खेम्सिङ् यारे ।
चम्जुम्लुङ् नाङ्जङ् फदाङ्मा ए,
'पिरती सीता' आदाङ्मा ए ।
अक्के नि मेबाःत्तु थेबा पाःरे,
मुन्धुम् हा? चेङनु तुम्याङहा?रे ।
थे लेमा होःप्लो इङ्गा? ग ए,
खेप्सुङ्बारक्लो कन् पाःन्हा? ए ।
पाःन्जेङ्लेन् कुबे मेबङ्ङेन्छाङ्,
पाःन्नोःक्हा? थेप्पेत् मेदङ्ङे्न्छाङ् ।
सिक्कुम् नु पयम् निङ्वा? ताःमा,
आदाङ्मै केवा मुन्धुम्सामा ।
आदाङ्मे इङ्गा? पेलि फाक्का,
हुक्सोदिङ् सिभाक् लेप्मि नाःक्का ।
वरक्थाङ् पेरे साम्दाङ् खेवा,
सुरुङ्लो ता?जेङ् हुक्सो सेवा ।।
सेःन्दो
ए थाङवामा यङघ्ङ् सन्धिङसा ए,
इगेःक्पा निङ्वा- याम्मोआङ् ए ।
ए थाङवामा यङघ्ङ् सन्धिङसा ए,
इगेःक्पा निङ्वा- याम्मोआङ् ए ।
लाङदेन् नु फुङदेन् केलाङ् लक्चुम्
केदङी वै'छ केरेक्ए चुम् ।
केलाङ् नु लक्चुम् सुहाङ्मा ए,
मिम्जिमा 'सीता' लुङ्ङामा ए ।
हुक्सोदिङ् सिभाक् पेलि फाक्कि,
लुङ्मेन्दिङ् लाङ्देम् लेप्मि नाःक्कि ।
माराम्थाङ् खाम्ला आक्के लोङ्ङी
सेन्दोधिक् थाङ्घुङ् आक्खे पोङङी ।
पोरोक्मी माङ्ले थे चोग्बा इ,
आनि? ए थेमा आबोःख्बा इ ।
आन्निसिङ् धारिक् हाःत्ति हाःत्ति,
आदुम्माङ् आबाःत् मिम्जि वाःत्ति ।
एःत्मा नु पाःत्माङ् मिम्जि युङ्बा,
सेन्छिङ् नु पेःक्माङ् नेर्वेत् योःम्बा ।
थेमाभाङ् अक्खे मिम् युङ्बाबे,
मिम्जिरे कुबोक् थेवाबा बे ?
आक्केरिक् मिम्मिन् पोःक्खे येबे,
काक्तगि हाःत्लेÞ मिम् चोगु बे ?
मिम्जिरेन् युक्ना थेधेस्मा बे,
मिम्जिरेन् फुङहा? थेधे वाबे ?
मेल्लेमेन् सेक्खा केसाःक्पा रो,
कन् पाःन्हा? इङ्गा? मेलेआन् लो ।
लासारि चङ्साङ् फुङ्वामा ए,
साम्निामा 'सीता' लुङ्ङामा ए ।
निसुम् ग आन्छिन् होःप्तेए साङ्,
आनिहि फोसे आबिरेआङ् ।
साङ्सिङ्ले मिक्खु सेमि लागुम्,
फेन्छाङ्गेन् लाङ्देम् सेवा थाङ्घुङ् ।
अक्वामा सेवा सि?लाङ् पोःक्का,
नोगप्लेन् सेन्लेन् निङसाङ चोक्का ।
निङसाङलेन् इङवा कासेबारो
हुक्सोदिङ् सिभाक्काङ् आसेवारो ।।
निङवा-हुपः अगन् पालामइन् पालाम् सक्पेवारे तङबे २, खानिन् २/३, काक्खानिन् १२, २०६३/५०६६
तङ्गप्पो सिसादिङ् 'सीता पिरती'रे सेन्दोइसिक् साप्तुबा पालाम्रेन् नोगप्पारो । -सक्
तङ्गप्पो सिसादिङ् 'सीता पिरती'रे सेन्दोइसिक् साप्तुबा पालाम्रेन् नोगप्पारो । -सक्
पालाम मासीकबाट साभार
No comments:
Post a Comment