Oct 15, 2008

श्रन्द्धाञ्जली लिम्बुवान आन्दोलनका सहिदलाई


नगेन्द्र ईङनाम "आठराइली"

शताब्दियौं अघिदेखि नै
निरङ्कुश शोषकहरुबाट
सोषित पीडित लिम्बुवानलाई
मुक्ति दिलाउन अघि बढ्दै गर्दा
लिम्बुवान स्वायत्तालाई जकड्याउने
माखे साङ्लोलाइ तोडेर
लुटिएको अस्तित्व फर्काउन्
अनि छोपिएको इतिहास पल्टाउन खोज्दा
तिम्रो सामर्थ्यलाई थेग्न नसकेर
निरङ्कुशतन्त्रले लिम्बुवानको नाममा
तिम्रो जीवनको बलि चडाएको छ
तर तिम्रो बलिदान
त्यो तिम्रो त्याग र जीवनदानले
निरन्कुशताको हांगाबिंगा तोडेर
निरङ्कुशतन्त्र पुरै ढल्मलाएको छ
चीर शान्तिको कामना !
अ्मर शहिद तिमीलाई
पछुताउनु पर्ने छैन तिमीले
केन्द्रिक्रित निरङ्कुशता जरैबाट ढल्दै छ ।

तिम्रो बलियो पहराको अभावमा
मात्र सुनमायां र मेन्छिगेनका आँखामा होइन
पुरै लिम्बुवानका नीरवताले छाएको छ
बेकसुर तिम्रो त्यागको बदलामा
लिम्बुवानीहरूले ए्उटै मुट्ठिभित्र भएर
निरन्तर संघर्षमा होमीने बेला भएको छ

बिना कुनै त्रास निरङ्कुशताको बिरुद्धमा
आफ्नो जीवनको प्रहरान्तसम्म
क्रान्तिको बिगुल फुकेर
ब्युंझाई दिएका छौ लिम्बुवानलाई
सन्देह छंदै छैन कुनै यहां
छिट्टै आउंदै छ बिहानी
नयां परिवर्तनलाई लिएर
नव क्रान्तिको सलाम !
बीर तिमीलाई,श्रद्धाञ्जली अर्पण गर्दछौं
तिम्रो बार्षिक स्मृतिमा
लिम्बुवानको प्रथम शहिद
अ्मर ! अ्मर !! अ्मर !!!
राजकुमार आङ्देम्बे तिमीलाई

( यो कविता लिम्बुवान आन्दोलनका सहिद राजकुमार आङ्देम्बेको वार्षिक स्मृतिमा समर्पण गर्दछु । )

No comments: