प्रभातलाई मोड्दै

एकलव्य राज

सन्नाटाका जंजिरहरु तोड्दै जादा मैले
विहानीका प्रभातलाई मोड्दै जादा मैले
आए जंघार तर्नेहरु जीवनको गोरेटोमा
वा”डी खुसी, मायाहरु जोड्दै जादा मैले
रंगीन भनि दुनिया, मस्त प्याला पिएसी
होस गुमाई साथहरु छोड्दै जादा मैले
वालुवाका महलहरु जीवनमा खसेपछि
विचलनका सास्तीहरु फोड्दै जादा मैले
टुक्रिएका जीर्णहरु संगालेर मुटुमा
सुन्यताका हावापानी ओड्दै जादा मैले

बयरवन ३ हरकपुर (मोरङ)