ए, आदाङ्ब से

सेसेहाङ् फियाक लिम्बू

.

ए, आदाङ्ब से !
कम्याक् केस्म्बा
लाम्दिक्हा?ओ
लाङ्घेगाङ्-लाङ्घेगाङ्ल
निङ्वा-इत्त्तुङ्ले वाआ बा
आनिङ्वा सिगाङ्बा सनारुङ् ।
आइन् क-यो
फुङ् पोक्खेआङ् फेक्ताङ् युङ् ।
माङ् नु हाङ् पोक्खेआङ् युङ् ।
मास्सेमी ने पोक्खेआङ् युङ् ।
पयम्-यम्बा मास्राम् पोक्खेआङ्
थाक्माङ्-सङ्माङ् वेङ्सीङ्ङाङ् ने ।

ए, आदाङ्ब से !
आङ्गा? हेक्के हिनी?आङ्
नेत्तीफुङ्वारेन् लाम्दिक्हा?ओ
सनारुङ्लेन् निङ्साङ् केजोगुम्ग्र
आङ्गा- निसुङ्बा फुङ्हा?
हेक्के ए केफेक्फा? कोतेम्मो
आङगा? तुमुङ्बा मारास्म् हेक्केबा
मास्राम् केदबा कोतेम्मो ।
आङ्गा? ए तुमुङ्बा मास्सेमी हेक्केबा
पयम् सनारुङ्लेन् निङ्साङ् चोगेम्मो ।

ए, आदाङ्ब से !
हेन् लाम्मो?बा बा
पाङ्वालोबा नु पाङ्वालोमा
पोङ्मारे लागि ग
हेने? हेन् लाम्दिक्खे-योबा
माङ्सा-हाङ्सा कुसिक् पोङ्-बोङ्लो ।
हेन् लाजे?बा पयम्-यम्बा
थुम्साबा पोङ्मा-पोङ्लो ।
हेन् सिमिक्लुङ् लुम्मेओबा
पयम्-यम्बा मास्सेमी पोङ्-पोङ्लो ।

ए, आदाङ्ब से !
हेक्के पोङ्मा सुक्तु ग्र
आङ्गा? इत्तुङ्बा सनारुङ्ङीन्
माङ्थरे? नु हाङ्थरे? पोङ्लो ।
क?यो माङ्सेबुङ् पोङ्मा सुक्तु
आलुङ्वा सिगाङ्बा
हेल्लुक्वा पोङ्मा सुक्तु ।
मास्सेमीरेन् कुसाङ् पोङ्मा सुक्तु ।

ए, आदाङ्ब से ?
बाहेन्ने आनी? आइत्तुम्बा
सनारुङ् पोङ्मा सुक्तु ।

२०६५/१०/५, माङ्सेबुङ्, इलाम ।