अब उठौ

लोकेश याक्थुङ्बा

गाउँ शहर बस्तिबाट हे मेरो दाजुभाइ उठ्न सिकौ
हातेमालो गर्दै सबै जना एकै ठाउमा जुट्न सिकौ

काङ्सोरेको रगतले लेखिएको आजसम्म आलो छ
सर्बहारा पिछडिएका सबै उठे अब हाम्रो पालो छ्
जाती बर्ग जे भए पनि मिलि-जुली उठ्न सिकौ
हातेमालो गर्दै सबै जना एकै ठाउमा जुट्न सिकौ

भोलिबादी नबनौ है अब हामी आजै गर्ने गरौ
अबसरलाइ हातमा लिएर हामी जङ्घार तरौ
गाउँ शहर बस्तिबाट हे लिम्बुवानी उठ्न सिकौ
हातेमालो गर्दै सबै जना एकै ठाउमा जुट्न सिकौ।

फाखोङमा,लिम्बुवान